News in detail
ഡി.എം.എ. വെബിനാർ: കോവിഡ് മഹാമാരിയിലെ മാനസിക സംഘർഷങ്ങൾ എങ്ങനെ നിയന്ത്രണ വിധേയമാക്കാം |
ന്യൂ ഡൽഹി: ഡൽഹി മലയാളി അസോസിയേഷന്റെ ആഭിമുഖ്യത്തിൽ 'കോവിഡ് മഹാമാരിയിലെ മാനസിക സംഘർഷങ്ങൾ എങ്ങനെ നിയന്ത്രണ വിധേയമാക്കാം' എന്ന വിഷയത്തെ ആസ്പദമാക്കി വെബിനാർ സംഘടിപ്പിക്കുന്നു. നാളെ (22-11-2020 ഞായറാഴ്ച്ച) വൈകുന്നേരം 4 മണി മുതൽ 5 മണി വരെ സൂമിലൂടെയാവും പരിപാടികൾ അരങ്ങേറുക. ബാംഗ്ലൂരിലെ നാഷണൽ ഇൻസ്റ്റിറ്റ്യൂട്ട് ഓഫ് മെന്റൽ ഹെൽത്ത് & ന്യൂറോ സയൻസ്, ഡിപ്പാർട്ട്മെന്റ് ഓഫ് സൈക്കിയാട്രിക് അസോസിയേറ്റ് പ്രൊഫസർ ഡോ. സോജൻ ആന്റണി മുഖ്യ പ്രഭാഷണം നടത്തും. ഡി.എം.എ. പ്രസിഡന്റ് കെ രഘുനാഥ് അധ്യക്ഷത വഹിക്കുന്ന വെബിനാറിൽ ജനറൽ സെക്രട്ടറി സി ചന്ദ്രൻ സ്വാഗതം ആശംസിക്കും. കൺവീനർ അനില ഷാജി, വൈസ് പ്രസിഡന്റ് മണികണ്ഠൻ കെ.വി. എന്നിവരും പ്രസംഗിക്കും. മലയാളി കുടുംബങ്ങൾക്ക് ഈ വിഷയത്തെപ്പറ്റി കൂടുതൽ അറിയാനും ജീവിതത്തിൽ അവ എങ്ങനെ പ്രയോജനപ്പെടുത്താം എന്നതിനെപ്പറ്റി അറിയാനുമായി https://zoom.us/j/98879639701?pwd=eTNOWVdTTStJVjE3SnFkWmo0Kzgydz09 എന്ന ലിങ്കിൽ ക്ലിക്ക് ചെയ്ത് മീറ്റിംഗിൽ പങ്കെടുക്കാവുന്നതാണ്. |