ന്യൂഡൽഹി: ഈ വർഷത്തെ റിപ്പബ്ലിക് ദിന പരേഡിൽ കേരളത്തിൻ്റെ ഫ്ലോട്ട് തെരഞ്ഞെടുക്കപ്പെട്ടു. കൊയർ ഓഫ് കേരള എന്നതാണ് വിഷയം. 2013 ൽ ഒന്നാം സ്ഥാനം നേടിയതിനു ശേഷം  2018 ലാണ്  കേരളത്തിന് ഫ്ലോട്ട് അവതരിപ്പിക്കാൻ അവസരം ലഭിച്ചത്.  കെട്ടുകാഴ്ചയാണ്  അവതരിപ്പിച്ചത്. ദില്ലി കാൻ്റ് 10 ലെ രംഗശാല ക്യാമ്പിലാണ് ഫ്ലോട്ട് ഒരുങ്ങുന്നത്. 17 സംസ്ഥാനങ്ങളും തെരഞ്ഞെടുക്കപ്പെട്ട വകുപ്പുകളുമാണ്  ഇക്കുറി ഫ്ലോട്ടുകൾ അവതരിപ്പിക്കുന്നത്.  കേരളത്തിനു പുറമെ ആന്ധ്രപ്രദേശ്, അരുണാചൽ പ്രദേശ്, അസം, ഛത്തിസ്ഗർ, ഡൽഹി, ഗുജറാത്ത്, കർണാടക, ലഡാക്ക് (യു. റ്റി.) മഹാരാഷ്ട്ര, പഞ്ചാബ്, സിക്കിം, തമിഴ്നാട്, ത്രിപുര, ഉത്തർപ്രദേശ്, ഉത്തരാഖണ്ഡ്, വെസ്റ്റ് ബംഗാൾ എന്നിവയാണ് ഫ്ളോട്ടുകൾ അവതരിപ്പിക്കുന്ന മറ്റ് സംസ്ഥാനങ്ങൾ.